ಮದರ್ ಅಫ್ ಗಾಡ್ ಚರ್ಚ್, ಮರಿಯಾಗಿರಿ, ಶಕ್ತಿನಗರ, ಸಂತ ಲಾರೆನ್ಸರ ವಾಳೆಯಲ್ಲಿ 17 ಸೆಪ್ಟೆಂಬರ್ 2023 ರಂದು ಸಂಜೆ 7:00 ಗಂಟೆಗೆ, ವಾಳೆಯ ಸದಸ್ಯರು ಹೊಸ ತೆನೆ ಹಬ್ಬದ ಆಚರಣೆಗಾಗಿ ಒಟ್ಟುಗೂಡಿದರು.
ವಾಳೆಯ ಸದಸ್ಯರು ಪ್ರಭು ಯೇಸುವಿನ ಮಾತೆಯ ಸ್ತುತಿಗೀತೆ ಹಾಡಿ ಪುಷ್ಪಾರ್ಚನೆಯನ್ನು ಮಾಡಿ ಮಾತೆಯನ್ನು ಗೌರವಿಸಲಾಯಿತು. ಸುವಾರ್ತೆ ವಾಚನದ ನಂತರ ವಂದನೀಯ ಜೆರಾಲ್ಡ್ ಡಿಸೋಜ ಅವರು ಸಂದೇಶ ನೀಡಿದರು.
ಕಥೊಲಿಕ್ ಸಭಾ ಶಕ್ತಿನಗರ ಘಟಕ ‘ಘರ್ ಘರಾನಿ ಕಥೋಲಿಕ್ ಸಭಾ’ ಸಂತ ಲಾರೆನ್ಸರ ವಾಳೆಯಲ್ಲಿ ಸಾಂಕೇತಿಕ ಉದ್ಘಾಟನೆ ನೆರವೇರಿಸಿದರು. ತದನಂತರ ಹಾಜರಿದ್ದ ಎಲ್ಲರು ಹೊಸ ಕಾಳು, ಜೊತೆಗೆ ವಾಳೆಯ ಸದಸ್ಯರು ತಯಾರಿಸಿದ ರುಚಿಕರ ಊಟವನ್ನು ಎಲ್ಲರೂ ಸವಿದರು.
ಅರುಣ್ ಡಿಸೋಜ ಕಾರ್ಯಕ್ರಮ ನಿರೂಪಿಸಿದರು, ವಾಳೆಯ ಗುರ್ಕರ್ ಮೊಲಿ ಡಿಸೋಜಾ ನೆರೆದಿದ್ದ ಎಲ್ಲರನ್ನೂ ಸ್ವಾಗತಿಸಿದರು. ಝೀನ ಡಿಸೋಜ ರವರ ವಂದನಾರ್ಪಣೆಯೊಂದಿಗೆ ಸಮಾರಂಭ ಮುಕ್ತಾಯವಾಯಿತು.
